ARAM baya nindo mga ka-Bombo, viral sa social media an nangyari sa sarong turista sa Sri Lanka makalihis mahulog gikan sa tren kan magliyad ini sa pinto para mag-selfie asin magtama sa naagihan na mga pananom.
An sarong babaye man na kapareho an ginibo mantang lunad kan tren sa Thailand, nagtama an payo sa naagihan na poste.
Mahihiling an babayeng lunad kan tren sa Colombo, Sri Lanka na nagpuwesto sa pintuan kan nag-aadar na tren asin saka nagliiyad mantang nakakapot an mga kamot sa kaputan.
Alagad aban-aban sana, piglamas na ini sa payo kan mga pananom na naagihan kan tren na kawsa tanganing ini an makabutas asin nahulog. Sa kamarhayang palad, sa damuhan nagbagsak an babae kaya dae nagin matindi an saiyang pagbagsak kaya nakasalbar ini.
Alagad sarong bulan antes mangyari an sakuna, sarong Iranian tourist man an naggibo kan kaparehong serfie. Alagd bako sa pananom nagtama an saiyang payo kundi sa sarong poste na naagihan kan tren.
Sigun sa mga otoridad, malubha an kamogtakan kan turista. Huli sa insidente, nagpagirumdom an mga otoridad duman sa mga naglulunad sa tren na mag-ingat asin sunudon an mga panundonan.
Kadakol soboot an nagtatangkilik sa nasambian ng scenic train ride huli sa view kan Indian Ocean sa biyahe.
