Pig-iinsitir kan kampo ni Senador Bato Dela Rosa na an mambabatas pinoprotektahan sana an saiyang karapatan kaya dai nagpapahiling o nagtatago.
Ini an nagin paglinaw kan abogado kan senador na si Atty. Israelito Torreon kan haputon sa sarong eksklusibong interbyu kun ano an angkop na pagladawan sa sitwasyon ni Senador Dela Rosa.
Mantang padagos niyang kinukwestyon an P50-milyon na pabuya kontra sa mambabatas, asin an pagbisto saiya bilang ‘armed and dangerous’ na sabi niya, sarong ‘shoot to kill order’ daa.
Kaya an hamon kan abogado sa mga gustong panaguton si Senador Bato, darahon daa ini sa lokal na korte huli ta nagana man daa an ‘justice system’ sa nasyon.
Sa ibong kan napasong ‘ultimatum’ kan Philippine National Police asin an pagbugtak nin patong sa payo kan senador, sa presente dai pa man giraray tuluyang naaaresto an mambabatas.
Si Senador Bato Dela Rosa saro sa mga pinangaranan na co-perpetrator ni dating Presidente Rodrigo Roa Duterte sa kasong ‘crimes against humanity’ sa International Criminal Court huli sa implementasyon kan madugong ‘war on drugs’.
