Kinontra ni Defense Secretary Gilberto Teodoro Jr. an pangapudan ni Chinese Foreign Minister Wang Yi na dapat magin maingat an Pilipinas sa pagtaram asin paghiro manungod sa isyu kan West Philippine Sea, kun saen an Pilipinas dai nagtataram nin katotoohan.
Segun ki Teodoro, an ginigibo ngunyan kan Pilipinas iyo an katotoohan asin bakong tama na gibuhon pang shambogon an mga Pilipino.
Dai daa tama na diktahan kan China an Pilipinas sa pagbuyagyag kan katotoohan huli ta nahihiling na ini sa ipinaluwas nang arbitral ruling.
Ini an reaksyon ni Teodoro sa nagin pag-urulay sa telepono ninda Wang asin Foreign Affairs Secretary Ma. Theresa Lazaro na dapat midbidon kan Pilipinas an presenteng One China Policy asin magin maingat an Pilipinas sa mga tataramon asin hiro kaini manungod sa isyu kan West Philippine Sea.
