Dae lubos makatubod si Senator Bong Go sa matinding danyos na pigwalat kan Bagyong Tino sa probinsya kan Cebu.
Marurumdumang nagbisita an senador sa Cebu makalihis an makusog na linog sa rehiyon, alagad sigun sa saiya, mas makamundo na mahiling an winalat kan nasambitan ng bagyo.
Sa liwat na pagbisita ni Senator Go, an mga biktima kan kalamidad gikan sa manlaen laeng parte kan probinsya an saiyang binisita tangani aramon an saindangng kamugtakan asin mga pangangaipuhan, asin tangani maghatod nin kadikit na tabang.
Maduon pa an pangapudan kan senador sa national government na gamiton an gabos nin resources tangani maibalik sa normal an pagbuhay kan mga nasalanta sa orog na marikas na panahon.
Sinabat si Senator Go kan ginatos na evacuees, kun saen manunutaran an matinding pangangaipuhan sa pakarhay asin salbado na evacuation centers.
Hurot pa kan senador, na iyo man na Vice Chairman kan Senate Committee on Finance, nagkakanigo na siertuhon kan gobyerno na an pondo kan taumbayan an napapasiring sa mga proyektong tunay na may pakinabang, asin bako sa mga substandard na flood control o ghost projects.
