NAGA CITY-Dae nagtutubod si Senador Riza Hontiveros sa depensa ni dating Tourism Sec. Wanda Tulfo-Teo dapit sa P60 milyon na tourism ads kan Department of Tourism (DOT) na pig-toon sa broadcaster na tugang kaini na si Ben Tulfo para sa programa kaining Kilos Pronto sa PTV 4.
Sa entrevista kan Bombo Radyo Naga ki Hontiveros, sinaysay kaini na malinaw na nakasurat an pangaran kan dating sekretarya asin kan Tulfo Brothers sa naenot nindang kontrata.
Kawsa suboot an kontrobersiya kan posibilidad na mayo nin conflict of interest an nasambitan nang kontrata siring man an pagigin magkakadugo kan mga ini.
Mientrastanto dismayado man si Hontiveros sa desisyon ni Ben Tulfo sa dae pagbawi sa milyon na kantidad nin kwarta huli ta pigbabalgar suboot kan lakdang an pig-aataman kaining dignidad.
