Pig-omaw ni Senador Francis “Kiko” Pangilinan an Executive Order (EO) No. 100 asin 101 na pigtintaan ni Presidente Ferdinand Marcos Jr., na inapod kaining “dakulang kapangganahan” para sa mga paraoma asin sektor nin agrikultura.
An nasambitan ng EO No. 100 kaya nagtataakda nin floor price para sa paroy tanganing protehiran an mga paraoma laban sa pagbaba nin presyo sa farmgate.
Mantang an EO No. 101 man nag-susugo nin ganap na pagpapautob kan Sagip Saka Act (RA 11321), na nagtatao nin dalan sa gobyerno asin mga Local Government Unit na magbakal nin produkto direktang gikan sa mga paraoma asin parasisira na mayo nin public bidding.
Sinaysay ni Pangilinan, na an mga lakdang na ini, kaiba an pagbabawal sa pag-angkat nin bagas, na tuyong pakusugon an sektor nin agrikultura asin ilangkaw an kita kan mga paraoma.
Dugang pa kaini na dapat idagos kan nasyon an bilog na suporta sa agri value chain, laban sa korapsyon asin mga pang-aabuso, asin ipautob an transparency asin good governance
