Pinapa-imbestigaran ni Senate Minority Leader Koko Pimentel sa Senado an legalidad asin implementasyon kan internet voting para sa mga Overseas Filipno para sa nararaning May 2025 national and local elections.
Nag-abiso si Pimentel sa tahaw kan mga kahaditan mapadapit sa system glitches, security risks, asin questions of legal authority.
Sa irarom kan Senate Resolution No. 1344, pig-enkaminar ni Pimentel an Senate Committee on Electoral Reforms and People’s Participation na magsagibo nin imbestigasyon tanganing maaraman kun naghihiro sa laog kan saiyang mandato an Commission on Elections (Comelec), kun saen an sistema nag-aayon sa mga panundon kan transparency, voter verifiability, asin electoral integrity.
Sinaysay kan senador na kadakol an reklamo gikan sa mga Plipino sa ibang nasyon mapadapit sa padagos na proseso kan online voting, kaiba an mga nawawarang vote confirmation receipts, inaccessible online platforms, asin interface glitches na nag-hatod nin karibungan asin kawaran nin tiwala sa mga botante.Igwa man nagsabi na an mg QR code na generated kan system nagpapahiling nin salang impormasyon o dai nababasang datos kan boto kun pig-sxcan.
Kan Abril 21, pigkakarkulong 80,000 sana sa 1.2 milyong rehistradong overseas voters an nakapag-sign up para sa internet voting.
Segun ki Pimentel, pwedeng nagpapahiling an hababang numero kaini sa padagos na pagduwa-duwang isip kan mga botante mapadapit sa accessibility, legality, asin reliability kan sistema.
