Nagsumite nin sarong propwestong ley si Senate Minority Leader Sen. Vicente ‘Tito’ Sotto III na iyong naglalayong amyendaran an Party-List Act asin man ibalik ini sa ‘original intent’ kaini na magin representantes kan mga marginalized asin underrepresented na sektor kan lipunan sa House of Representatives.
Sa sarong pahayag, sinaysay ni Sotto na an interpretasyon kan ley sa mga party-list sa ngunyan iyo an nagpahewas kan kwalipikasyon kaini asin nalihis sa tunay na obheto kaini na iyong alinsunod sa 1987 Constitution.
Sigun sa opisyal, inabuso asin ginamit komo gateway an mga partido sa presente tangani idagos an mga adbokasiya na bako naman para sa pinakamahusay na interes kan gobyerno.
Sa isinumiteng propwestong ley ni Sotto obheto kaini na magbalangkas nin mga dugang na basehan para sa pagkanselar nin pagpaparehistro kan mga party-list group, kabali na man an kabiguan na kumatawan sa marginalized asin underrepresented sectors, mga pagkakataon kun saen an mga miyembro o nominado an dae napapabali sa mga sektor na ini, direkta o bakong direktang pagbali sa mga aksyon na nakakaraot sa pagpapakusog nin interes kan gobyerno, pag-untok sa pagigin marginalized na sektor, asin man material misrepresentation kan mga nominado.
Sigun pa ki Sotto, an paglihis sa tamang esensiya kan party-list system an nagkikriar sana nin bakong pagkakapantay-pantay na iyong hangad na mapugulan kan mga nagbilog kan konstitusyon kan nasyon.
Mientrastanto, dugang pa ni Sotto, kadakol na isyu an bumabagabag sa mga opisyal ngunyan kan gobyerno kaya man panahon na soboot tangani liwat na bisitahon an tunay na obheto kan mga partido sa mababang kapulungan asin bako tangani magtago sa likod kan pagpapamalo-malo na parte kan marginalized sector para sa saindang politikal asin man personal na pakinabang.
