Makundusir nin caucus an mga senador sa Lunes para pag-ulayan an pagpapa-apod kan Senate Blue Ribbon Committee ki Cong. Zaldy Co asin dating Speaker Martin Romualdez.
Sigun ki Senator Kiko Pangilinan, komo kortesiya an planong imbitaran sinda Co asin Romualdez alagad ini an isasapinal pa ninda sa ikukundusir na caucus.
Alagad huli sa inter-parliamentary courtesy an dae pwedeng pwersahon an duwang kongresista na mag-atender sa pagdangog kan Senado.
Mientrastanto, kun si Senator Erwin Tulfo an hahaputon, mawot kaini na halion paramientras an inter-parliamentary courtesy tanganing maimbitaran an mga kongresistang pigsasangkot sa maanomalyang flood control projects.
Marurumduman, enot nang pigpahayag ni Blue Ribbon Committee Chairman Ping Lacson na balgar sa tradisyon kan inter-parliamentary courtesy an pagiimbitar sa mga lehislador sa Kamara.
