Nagtutubod si dating Senador Leima de Lima na pwede pa man magsirbe komo impeachment court an Senado maski naka-adjourn ini o maski mayo nang regular session.
Sigun sa dating senador, an pagdangog sa impeachment complaint an bakong sarong ordinaryong function kan Kongreso, imbes ini an sarong non-legislative function asin special function.
Huli digde, bako soboot ‘applicable’ an mga nakatuodan nin proseso o patakaran na kun nakapag-adjourn na, mayo na nin session.
Nagtutubod pa an dating senador na dae pwedeng tukawan kan Senado an impeachment complaint ngunyan asin naipasakamot na ini kan Kamara.
Sigun ki De Lima, obligasyon kan Senado na dangugon an verified impeachment complaint, basado na man sa ipigtalaan kan ley.
Nagibo na soboot kan hababang kapulungan an papel kaini asin nasa Senado na an bola tanganin dagos-dagos na maglitong an impeachment process kontra ki VP Sara Duterte.
Nag-abot sa 239 na miyembros kan Kamara de Representantes an nagsuporta para sa mahali sa posisyon si VP Sara kasunod kan session kan nakalihis na aldaw, Pebrero 5 sa plenaryo kan Kamara.
Enot nang sinaysay ni ni Senate President Chiz Escudero na magsasagibo nin impeachment trial an senado hasta dae ini magre-reconvene sa Hunyo 2, 2025, huli ta enot na man nag-adjourn an Senado kan nakalihis na aldaw nin dae pigtatalakay an complaint.
