Pig-aprubahan ni Senate President Tito Sotto III an kahurutan ni Blue Ribbon Committee Chairman Panfilo Lacson na 12-hour leave ngunyan na aldaw ni dating Bulacan Asst. District Engineer (D.E) Brice Hernandez.
Ini an tanganing makaguno nin mga dokumento asin ebidensya si Hernandez na makakatabang sa komite para sa pig-iimbestigaran na maanomalyang ghost flood control projects.
Matinir sa irarom kan pagbabantay asin kustodiya kan Senate Sergeant-at-Arms si Hernandez mantang nasa luwas asin makalihis ini an ibabalik man tolos sa Senado.
Anuman na ebidensyang matitipon ni Hernandez an iheheras kan Blue Ribbon sa Independent Commission for Infrastructure (ICI), sa Office of the Ombudsman, asin sa Department of Justice (DOJ).
Ini an tanganing masierto na tama an mga mairerekomendang legislative measures, masisimbagan an problema sa korapsyon asin pakukusugon an accountability sa mga public officials.
