Pinagirumdom ni Senate President Tito Sotto III na pwedeng gamiton kan mga lokal na gobierno an saindang calamity funds maski mayo pang deklarasyon nin state of calamity gikan sa Presidente.
Pigtawan duon ni Sotto, na ini man an may-akda kan Republic Act 8185 o Calamity Fund Act, na nagtatao nin derchos sa mga local government units (LGUs) na gamiton an disaster funds.
Paliwanag ni Sotto, pwedeng ideklarar kan local council kan lugar na piglamasa kan bagyo an state of calamity kun talagang kinakaipuhan, asin sinda man an makapagdedesisyon para sa saindang namamanwaan.
Kun kaya mayo naman soboot pigbubuksan na bago an Presidente sa pagdedeklarar kan nationwide state of calamity para sa paggamit nin calamity funds.
Marurumduman inaprubahan ni Presidente Bongbong Marcos an pagdedeklarar kan sarong taong national state of calamity makalihis an panlalamasa kan Bagyong Tino tanganing maparekas an pag-release asin paggamit kan mga lugar na naapektaran kan kalamidad kan saindang calamity funds.
