Ipigkundusir kasuudma an Send-Off Ceremony asin Mustering of Troops sa City Hall Compound, Barangay Concepcion Pequeña, Naga City.
An Naga City Police Office (NCPO), sa pamamayo ni PCOL Gilbert Fariñas, CD, nagdaos nin Send-Off Ceremony asin Mustering of Troops sa City Hall Compound, Barangay Concepcion Pequeña, Naga City, komo pagpreparar sa pagselebrar kan Holy Week 2026 asin sa inaasahang pagdagsa nin mga turista asin mga umuuling residente sa panahon kan Summer Vacation 2026.
An aktibidad nagpahiling kan kolektibong dedikasyon kan manlaen-laen na ahensya tanganing masigurado an kaligtasan asin seguridad kan publiko.
An programa igwang kaibahan na welcome remarks ni PLTCOL Salvador Jr. L. Ortañez, DCDO, seremonyal na bendisyon, asin mensahe hale ki Life Coach Steven Guianan. Igwa man nin Oath of Commitment na pinangenotan ni Acting LDRRM Officer Raynor Rodriguez, komo pagpapatibay kan dedikasyon kan gabos na personnel na nakibahagi.
Nagpaabot man nin mga mensahe nin suporta asin pakikisumaro an mga representante kan mga katakod na ahensya kaiba na an Armed Forces of the Philippines, Bureau of Fire Protection, Philippine Coast Guard, Public Safety Office, asin Philippine Red Cross, maski na an mga force multipliers asin lokal na pamahalaan.
An inisyatibang ini igwang obhetong pakusugon an koordinasyon kan mga ahensya asin an mga proaktibong lakdang kan Naga City sa pagmintinar kan katahimikan, kaayusan, asin kaligtasan kan publiko sa bilog na panahon kan Kuwaresma asin summer.
