Pigkumpirmar ni Shiela Guo, tugang ni dismissed Bamban Mayor Alice Guo, an detalyes kan saindang nagin pagtakas gikan sa Pilipinas.
Sigun digdi, kaibanan kaini sinda Alice asin Wesley Guo sa pagluwas sa Pilipinas.
Nagsakay suboot sinda sa baroto antes na nakaabot sa Malaysia.
Antes kaini, igwa soboot nin nagsundo sainda nin van sa saindang harong alagad dai kaini aram an lugar kun sain sinda ibinaba.
Nagtutubod an mga senador na parte kan subcommittee on justice and human rights hearing na dakula an maitatabang kan mga impormasyon na ipigheras ni Shiela Guo tanganing mag-abante an saindang imbestigasyon.
