NAGA CITY- Nagpakol na sa 300,000 an kakulangan nin mga Nurses sa Estados Unidos hasta sa presente.
Sa report ni Bombo International News Correspondent Virginia Contreras, gikan sa San Francisco, California asin sarong Registered Nurse, haros 18 to 21% nurses sa health care system kan nasambitan ng nasyon an mga Pilipino.
Dugang pa ni Contreras na haros sakop na kan mga Pilipino an majority partikularmente sa mga coastal states kan Amerika, asin ini nangengenutan komo charge nurses o kaya man mga unique managers.
Ini an magayon na vision huli ta hasta yaon an mga Filipino Community an mga Pilipino na mawot magin nurses sa America an nagdadakol. Sigun pa ki Contreras na an shortage kan nurses sa America, yaon pa man giraray asin dae nami-meet kan anuman na supply maski na kadakol na mga pigpapadarang Filipino nurses sa nasambitan ng nasyon huli ta igwang mga nagreretired.
Nag-implementar man an gobyerno kan Amerika na magkaigwa nin “grow our own nurses” ini an mga pinapa-adal sa mga city colleges kun saen libre an tuition tangani man na dae na mag-export gikan sa ibang nasyon nin mga nurses.
Alagad an mga nag-graduate gikan sa nasambitan ng nasyon, dae soboot naghahaloy sa trabaho komo nurse asin kun ikukumparar man sa mga nurses gikan sa Pilipinas, an quality of practice as nurse clinician masasabing reliable asin predictable.
