An mga drayber nin trak nag-iisip na dagdagan an saindang mga bayad o singil sa saindang mga kliyente nin sagkod sa 50% tanganing mabayadan an nag-iitaas na mga gastos.
Ini mangyayari sa tahaw kan piglalaoman na dakulang paglangkaw kan presyo kan mga produktong petrolyo sa masunod na semana.
Segun ki Mary Zapata, presidente kan Confederation of Truckers Association of the Philippines (CTAP), kun totoo an forecast na maabot sa P90 kada litro an presyo kan gasolina, mayo na sindang magigibo kundi magpalangkaw pa kan saindang rates.
Afuera sa gasolina, madudugangan man suboot an iba pang gastos arog kan spare parts, goma, asin lana.
Dugang pa ni Zapata na dawa isuspendir kan gobierno an excise tax sa lana, papalangkawon pa man giraray ninda an rate, huli ta dae pa ini matatahuban sa paglangkaw kan presyo kan petrolyo.
