Malikay an Philipine Coast Guard sa ginigibong pagsimbag sa oil spill sa Limay, Bataan.
Sa press conference sa Office of Civil Defense (OCD), pigsaysay ni Coast Guard Station Bataan Lt Commander Michael Encina na enkaso natapos na an pagkakabit kan metal capping, saka pa sana ninda mapupuonan an siphoning o paghigop sa labi sarong milyong litrong industrial fuel gikan sa naglubog na MT Terra Nova.
Sigun ki LtCmdr Encina, katorse na aldaw an proseso kan pagriribay nin metal caps tanganing masierto na selyado an mga valve antes mapuonan an siphoning.
Sa ngunyan, manlaen-laen na huma an kinakahampang kan Coast Guard kabali na digde an limitadong numero kan saindang mga divers na ribayan sa pagsisid kan 100 feet na rarom kan naglubog na barko siringma an makusog na kuryente o current sa irarom kan dagat.
