NAGA CITY– Arestado an siyam katao makalihis an ginibong drug raid kan mga otoridad sa pangengenot kan Philippine Drug Enforcement Agency (PDEA) sa sarong drug den sa Barangay Abella, Naga City.
Sa entrivista kan Bombo Radyo Naga ki Agent Pongs kan PDEA-Camaranines Sur, target kuta na nindang dakupon an susupek na si Madronio Serano asin an kaibahan kaini alagad kan nilaog na suboot an nasambitan ng drug den, naabotan kan mga otoridad an pitong katao na aktong naggagamit kan pinapangalad nabulong.
Nakumpiskar sa mga ini an labi 50 gramo nin pigtutubudang shabu na maabot sa P250,000 an kantidad.
Sigon ki Agent Pongs, haloy na nindang minamanmanan an nasambitan ng mga suspek pati na an harong kaini na ginigibo suboot drug den kan mga drug users na hali pa sa manlaenlaeng lugar sa nasambitan ng syudad.
Sa ngunian nagtitinir na an mga suspek sa kustudiya kan PDEA mantang pigpepreparar na an kasong isusunad kontra digdi.
