Mawot ipaatras kan Department of Justice an mosyong ipigsunad kasuarin sana kan mga piskal mapadapit sa nagin hatol ki Congresswoman Leila De Lima sa kasong igwang kinaaraman sa ilegal na droga.
Kun saen pigpapa-atras ni Justice Secretary Remulla an nasambitan ng mosyon na hagad na baliktadon an ‘aqcuittal’ sa kaso.
Obheto sa pigsunad na mosyon kan mga piskal sa Muntinlupa Regional Trial Court Branch 204 na maibaliktad an pagkaka-abswelto ni ML party-list Rep. Leila De Lima.
Basado sa sarong pahayag ni Justice Secretary Remulla, saiya na soboot nakaulay an Prosecutor General mapadapit sa nagin lakdang.
Kun saen saiyang ipinagsugo na ipaatras an pigsunad na mosyon kan mga piskal asin sinaysay na impluwensiya sana ini kan political agenda.
Marurumdumang kasuarin sana, nagsunad nin ‘motion for reconsideration’ an Department of Justice Panel of Prosecutors kontra ki Congresswoman De Lima.
Hagad ninda na maiparekonsiderar an nagin desiyon kan Muntinlupa RTC asin pati an maipadeklarang ‘guilty’ ini sa kaso.
