Pupuonan na kan Constitutional Court kan South Korea an proseso kan pagdedesisyon manungod sa impeachment ni Korean President Yoon Suk Yeol, kasunod kan desiyo kan National Assembly na halion ini sa pwesto.
An impeachment an bunga kan saiyang kontrobersyak na pagprobar na magdeklarar nin martial law, na marekas mang pigbawi makalihis sana kan anom na oras, alagad nagkawsa nin dakulang kariribokan, pagpundo kan mga aktibidad na pang-diplomasya, asin pagriribok sa mga bakalang pinansyal.
Sa pigsunad na impeachment resolusyon ni Jung Chung-rae, Chairman kan Legislative and Judiciary Committee kan National Assembly igwa sana an Constitutional Courtnin hasta 180 na aldaw tanganing magtao nin pinal na desisyon manungod sa impeachment.
Kun mahahali si Yoon, sarong snap presidential election an isasagibo sa laog kan 60 na aldaw tanganing magpili kan saiyang karibay.
Mantang si Prime Minister Han Duck-soo an matukaw muna komo acting president hasta sa magdesisyon an korte.
Nagpromesa an koret na magsasagibo nin sarong marekas asin makatarungang paglilitis asin duwang hukom an itatalaga tanganing pangasiwaan an pagsusuri kan mga ebidensiya.
Kasunod kan boto sa impeachment, nangapudan an lider kan oposisyon na si Lee Jae-myung nin tulos na aksyon tanganing mabawasan an politika na dae pagkakaparehas asin nagmungkahi nin pagbilog kan sarong national council na magsisierto kan kooperasyon sa tahaw kan gobyerno asin National Assembly.
Pigtatawan-duon ni Lee an importansiya kan bipartisan na pagtatarabangan tanganing malutas an krisis sa nasyo.
Sa ibong kan mga pangapudan na i-impeach si Prime Minister Han Duck-soo huli sa soboot kabigun kaining pugolan an deklarasyon kan martial law, sinaysay ni Lee ma dae na kaini ipapadagos tanganing dae na magdara nin dugang na politika na dae pagkakasurunduan.
Imbes, pigsierto ni Lee na an Democratic Party an nakatuon sa pagpapa-stabilize kan mga ulayang pang nasyon asin pagpapanumbalik kan tiwala kan mga internasyonal na nasyon.
Mientrastanto, pighurot ni Presidente Yoon na an obheto kaini an magtaong abiso sa oposisyon na pinamamayuhan kan parlamento na pigtuyaw kaini huli sa paghadlang sa mga aktibidad kan gobyerno, kabali na an pag-impeach kan mga halangkaw na opisyal asin pagbabalakid sa pag-aprubar kan budget kan gobyerno para sa masunod na taon.
