Nagpatanid si South Korean President Lee Jae Myung na posible an “accidental clash” anuman na oras sa tahaw ninda kan North Korea.
Ini an makalihis iladawan kan SoKor President an sitwasyon sa tahaw ninda kan NoKor komo lubhang mapeligro o delikado kaya pighurot kaini na importanteng magkaigwa sinda nin diyalogo.
Basado sa report, sinaysay kan South Korean President na nagsayuma soboot an NoKor na simbagon an mga appd kan SoKor tanganing magkaigwa nin kontak asin magbugtak nin barbed wire fences sa may military border, bagay na dae naisakatupadan puon pa kan magwakas an Korean War.
Inihayag man ni Lee na na baliktad asin confrontational an koneksiyon kan duwa asin huli sa kawaran nin tiwala, nagpapahiling soboot an NoKor nin “very extreme behaviour.”
Ginibo ni Lee an pahayag mantang nasa flight gikan sa South Africa kun saen nag-atendir ini sa G20 summit pasiring Turkey, para sa huring parte kan saiyang biyahe.
Naenot ng inirekomenda kan South Korea na magkaigwa nin military talks sa North Korea kan nakalihis na Nobyembre 17 tanganing pag-urulayan an pagbalangkas kan malinaw na hangganan sa Military Demarcation Lines (MDL) tanganing malikayan an armadong labanan sa may border na pwedeng magdara nin mas mahewas na sagupaan.
Alagad hasta sa ngunyan, mayo pa mang kasimbagan an kampo kan North Korea sa nasambitan ng proposal kan South Korea.
