Pigheras kan Solid Waste Management Office kan Naga an sistema kan pagkokolektar kan basura, asin an pag-uyon sa Waste-to-Energy Incineration.
Sa intrevista kan Bombo Radyo Naga kay Engr. Joel Martin – Head, Solid Waste Management Office – Naga , sa pagkolektar kan basura inot an volume kan basura na dapat mahakot nin tulos tulos, panduwa man kaipuhan pag adalan kun ano oras kukuahon huli dae man pwede na maghakot kun arin an may okasyon na. Halimbawa an okasyon alas 7 ngunyan na aga sa may P anganiban, sa oras nin alas 2 nin mainaga naglilinig na an mga ini sa parte kan Panganiban tanganing antes magliwanag ay preparado na.
Dagdag pa kaini na parehas lang din sa Centro, an mga inaagihan kan parada asin mga tinitirindahan, sinisigurong malinig pati an enterong Naga sa aldaw kan Penafrancia, Christmas Season asin New year Season.
Dugang pa ni Martin, 2.8 hectares na haros 100-200 square meters an active area kaini. An 200 square meter na active area kinakaipuhan na matahoban ini antes matapos an aldaw, kun sain bag o mag alas 5, mag off an garbage truck sa pang aldaw, natahoban na gabos ini. Apwera kaini pag kabanggi may basura na naman na utro hinahakot para sa night shift naman.
Segun pa digdi, an operasyon kaini 6pm pag banggi matahob nin daga asin pag ka aga 6am para magtahob na naman ini nin daga, limang aldaw kaini na sinisugoro kaini na nahihiro an mga basura.
Pig-sangayunan man ni Martin sa Waste to Energy, na kun sain igwa na din ini nin 8 na proposal alagad pighihiling an Viability, an gabos gusto makiulay ki Mayor, an tugon man kan Alkalde na ini na an maghiling asin erecommend an viable o possibleng mga proposal.
