Suportado ni Representante Brian Raymund Yamsuan an plano kan Philippine National Police (PNP) na magbakal nin mga body-worn-camera na may kakayahan sa artificial intelligence (AI).
Pigsaysay man ni Yamsuan na kinakaipuhan man na mag-invest an PNP sa pag-agi nin training para sa saindang mga personahes para sa tamang pag-asikaso, pag-file asin pag-store kan mga video footage sa nasambitan ng mga devices para maseguro na dae ini ma-tamper asin gagamiton bilang ebidensya sa korte laban sa mga suspetsado.
Nangapudan man si Yamsuan sa PNP na pahiwason an paggamit kan saindang digitalized crime reporting system asin iba pang technological innovations tanganing ma-engganyar an partisipasyon kan mga namamanwaan sa pagsugpo asin paglaban sa krimen.
Segun ki Yamsuan na dating opisyal kan Department of the Interior and Local Government (DILG) an paggamit kan techniques sa teknolohiya makakatabang na mapakarhay an performance kan PNP asin makabuo nin tiwala asin kumpiyansa kan publiko sa organisasyon kan pulis.
Pig-omaw ni Yamsuan an PNP sa pamamayo ni Heneral Rommel Marbil sa enot na paglansar kaini sa Metro Manila kan Law Enforcement Reporting and Information System (LERIS), sarong digitalized policing app na matugot sa publiko na magreport nin mga vulnerabilities -suspect incidents and crimes gamit an saindang mobile mga telepono.
Pigsaysay ni Yamsuan na dapat maglansar nin information drive sa social media tanganing ma-familyar an publiko sa paggamit kan LERIS sa paagi kan eGovPH. P1.2 bilyones an nakatagama sa PNP para sa saindang LERIS program.
Naglalaom si Yamsuan na dapat magin mahigos an PNP sa nasabing kampanya tanganing sa masunod na taon maiimplementar na ini sa bilog na nasyon.
Naglalaom si Yamsuan na an ley na saiyang pig-author, an House Bill (HB) 4708, maipapasar, na an katuyuhan iyo an paggamit nin mga body-worn camera sa panahon kan mga operasyon kan pagpapaotob kan ley.
Si Yamsuan co-author man kan House Bill No. 8068, na may katuyuhan na hagadon sa mga establisimiento nin negosyo na magbugtak nin CCTV sa lugar kan saindang mga establisimiento.
