NAGA CITY– Irido an sarong soltero makalihis holdapon asin badilon kan mga suspek sa syudad nin Lucena.
Sigon sa biktima na si William Hinagpisan, nakatindog siya sa irarom na porsyon kan tinampo sa barangay Gulang Gulang kan bigla na sanang mag abot an mga suspek.
Nanlaban suboot an biktima makalihis na agawon kan mga suspek an saiyang cellphone.
Huli digdi, bigla na sannag binadil kan saro sa mga suspek an biktima na nagsapo nin lugad sa saiyang liog.
Tulos man idinalagan sa ospital an biktima mantang nagdulag man an mga suspek lunad nin sarong motorsiklo.
Narekober sa pinangyarihan nin pambabadil an basyo nin cal. 45 revolver.
Sa ngunian, nagpapadagos an imbestigasyon kan mga kapulisan tanganing madakop an nagdulag na mga suspetsado.
