NAGA CITY- Pighihiling ngonyan kan mga otoridad na posibleng problema sa saiyang kailusyon an rason sa paghuhugot kan sarong soltero sa saiyang pig-aarkilang harong sa Tiaong, Quezon.
Binisto an nasambitang persona na si Cyril Joseph Mitra, 30-anyos.
Sa nakuang impormasyon kan Bombo Radyo Naga, napag-araman na nadukayan na sana an nakabitay na lawas ni Mitra sa parte kan hagyanan sa pig-aarkilahan kaining boarding house sa Villa Rosario Subdivision sa barangay Lumingon sa nasambitang banwaan.
Basado sa inisyal na imbestigasyon kan mga otoridad, nagluluwas na antes pa suboot an pangyayari, nakakaeksperyensya na nin depresyon an biktima huli sa problema kaini sa saiyang long time girlfriend.
Nagpapadagos pa ngonyan an pigkokondusir na imbestigasyon kan mga otoridad katakod kan pangyayari.
