NAGA CITY- Dae na nag-abot pa sa ospital an sarong lalaki makalihis na malamos kasabay kan pagselebrar nin Easter Sunday na nangyari sa banwaan nin Sipocot, Camarines Sur.
Sa nagunong impormasyon kan Bombo Radyo Naga, napag-araman na nagpasiring an biktima na si Samuel Garcia, 27 anyos kaibanan an saiyang pamilya sa barangay Manga para mag-excursion alagad mantang naglalangoy ini kan bigla na sana ining malamos.
Pinurbaran pa kuta nang isalbar an biktima kan saiyang tugang antes na dagos na pigdalagan sa ospital alagad pigdeklarar na ining dead on arrival kan mga doktor.
Pighihiling man ngonyan kan mga otoridad an posibilidad na nakaeskperyensya ini nin leg spasm huli naman sa stainless implant kaini sa saiyang tabay.
Advertisement
Advertisement
