Inusisa ni Senate Pres. Vicente ‘Sotto’ III si dating Bulacan 1st District Engineering Office asst. chief Brice Hernandez kun gurano katotoo an impormasyong pigluwas kan saiyang abogado na igwang anom na Senador na soboot imbwelto sa flood control scandal, basado sa impormasyong nakabugta sa computer ni Hernandez.
Enot ng binaggit ni Atty. Raymond Fortun sa sarong entrevista na makalihis soboot kaining mahiling an laog kan computer kan saiyang kliyenteng si Hernandesz.
Hapot kan Senate President, tano ta puro Senador an pinangaranan o pigdadawit sa mahewasang kontrobersiya.
Alagad sa pagdangog sa Senado, pighurot ni Hernandez na mayo ining katotoohan.
Sa katunayan soboot, pangaran kan mga kongresista an nakasurat o nakabugtak sa saiyang computer.Kinatigan man ni enate Blue Ribbon Committee Chairman Sen. Ping Lacson an punto ni Sotto asin sinabing bakong patas sa mga Senador an nagin pahayag ni Fortun huli ta kadakol na mga ispekulasyon an nagluluwas.
Sigun ki Lacson, kaipuhan magin maingat an abogado ni Hernandez sa saiyang pigluluwas na impormasyon, huli man ta sierto soboot na madara ini nin pagkalito sa kampo kan publiko.
Nagkaigwa man soboot nin ispekulasyon na an mga pigtutukoy na Senador iyo sinda Sen. Sherwin Gatchalian asin Sen. JV Ejercito, gayong dae man nabanggit an saindang mga pangaran.
