Napangalas an East Rutherford, New Jersey,kan an Espanya nakoronahan giraray na kampeon kan kinaban, na dinaog an nagdedepensang kampeon na Argentina, 1-0, sa 2026 FIFA World Cup Final.
Si Ferran Torres an nakapuntos kan solamenteng goal kan laban sa ekstrang oras, igo na tanganing tawan an La Roja kan saindang ikaduwang titulo sa FIFA World Cup pagkatapos kan saindang enot kan 2010.
An bentaha kan Espanya orog pang nadagdagan kan an Argentina nabawasan nin sarong parakawat huli sa pulang kard ni Enzo Fernández sa oras nin pag-ontok kan ikaduwang kabtang. Inaprobetsaran ni La Roja an sitwasyon asin nakua an nanggana na goal sa dagdag na oras.
Apwera sa tropeo, an Espanya nagdara man nin iba pang prestihiyosong mga premyo. Si Unai Simón pigmidbid bilang nanggana sa Golden Glove pagkatapos na makarekord nin pitong shutout, mantang si Rodri pigngaranan na Golden Ball awardee bilang pinakamarahay na parakawat kan torneo. Si Pau Cubarsí an nag-ako kan premyong Pinakamarahay na Hoben na Parakawat.
Sa kapangganahan na ini, an Espanya nagin pinakaenot na nasyon na sabay na nagkakapot kan mga titulo sa FIFA World Cup kan mga lalaki asin babae.
Mientrastanto, an paglaom kan Argentina na idepensa an korona na saindang nakua kan 2022 nawara. Dai man sinda nagin ikatolong koponan sa kasaysayan kan FIFA World Cup na mapangganang nagdepensa kan saindang titulo.
