Nagsangat nin pagbutas sa pwesto si Spain Transport Minister Óscar Puente, anom na aldaw matapos an pagbanggaan kan duwang high-speed na tren sa banwaan kan Urda na nagwalat nin dae hababa sa 69 na gadan asin dakol pang lugadan.
Ipinahayag ni Puente an saiyang desisyon sa atubangan kan Kongreso matapos niyang idoon na dae na angay na magdanay sa katongdan an sarong ministro kasunod kan duwang grabeng aksidente sa riles sa laog sana nin sarong taon.
Nangyari an trahedya kan Oktubre 28 kan bumangga hale sa likod an sarong tren kan Renfe sa nakapundo nang tren kan Iryo huli sa problema sa automatic signalling system asin mga sinasabing pagkakasala sa komunikasyon sa control centre.
Apwera sa paghali bilang ministro, hinali man ni Puente an saiyang pangaran sa lista kan mga kandidato para sa nakatalaan na amay na pangkagabsan na eleksyon sa Nobyembre 29 sa tahaw kan pangapudan kan oposisyon na magkaigwa nin paninimbagan.
Pinuri man ni Prime Minister Pedro Sánchez an desisyon kan opisyal asin sinabing an paghali kaini sa pwesto nakabase sa sadiring pagkusa, delicadeza, asin respeto sa mga biktima.
An nasabing aksidente ibinibilang na saro sa pinakagrabeng trahedya sa riles sa modernong kasaysayan kan Europa na nagkawsa nin dakulang krisis sa tiwala kan publiko sa seguridad kan high-speed rail system sa Espanya.
