Maduon na pinahimutikan ni House Speaker Faustino “Bojie” Dy III an alegasyong nagkaigwa nin budget insertions sa presenteng bicameral conference committee (BICAM) deliberations para sa 2026 budget kan Department of Public Works and Highways (DPWH).
Simbag ini ni Speaker Dy sa bareta na iniluwas na report kan PCIJ na an saiyang distrito an igwang pinakadakulang pondo para sa DPWH projects kasunod si House Appropriations Chairman Mikaela Suansing.
Sigun ki Dy, sala asin nakaliligaw an mga report na igwang pasikretong pagdugang nin pondo o probisyon sa BICAM.
Pigtawan-duon kaini na gabos kan laog kan bersyon kan Kamara an nag-agi sa tamang proseso asin inaprubahan sa ika-tolong pagbasa antes pa man magpuon an bicameral conference.
Ipinaliwanag man kan Speaker na an papel kan BICAM an pagsararuon sana an bersyon kan Senado asin Kamara, asin dae magpalaot kan mga bagong prosopwesto na dae napagkasunduan.
Pigsierto ni Dy na bukas, legal, asin tapat an prosedo kan paggibo kan badyet, asin nanindugan ini na an 2026 DPWH budget an piggibo para sa kapakanan kan publiko asin bakong para sa pansadiring interes
