NAGA CITY- Binilog na ngonyan kan Quezon Police Provincial Office (QPPO) an Special Activation Task Group Luna o SITG Luna katakod kan nangyaring panggagadan ki Asst. Provincial Prosecutor Reymund Luna.
Sa nakuang impormasyon kan Bombo Radyo Naga, napag-araman na marikas na pigbilog ni PS/Supt. Rhoderick Armamento, QPPO provincial director an nasambitang task group para tulos na maresolbiran an krimen na ikinagadan kan nasambitang piskal.
Binibilog suboot an SITG Luna nin limang law enforcement units kun saen kabale digdi an Quezon Criminal Investigation and Detection Group (CIDG), Infanta Municipal Police Station (MPS), Provincial Intelligence Branch (PIB), Provincial Investigation and Detection Management Branch (PIDMB) asin National Bureau of Investigation (NBI) Lucena.
Marurumduman na kan nakaaging semana pinagbabadil si Luna kan riding in tandem suspects gamit an cal. 45 na badil mantang nagkakakan ini sa hampang kan Hall of Justice sa barangay Tongohin sa banwaan nin Infanta.
Napag-araman na bistado si Luna sa pagtutulod nin mga programa nin gobyerno partikularmenta na an kampanya laban iligal na droga.
