Pinaigting an spraying asin misting sa Barangay Igualdad sa Naga City bilang parte kan mga preventive measures kontra dengue.
Sinabi ni Barangay Captain Angelo Bendiola na igwa pa nin sarong active dengue case sa barangay, mantang an apat na naunang kaso naka-recover na.
Padagos an search and destroy asin 4 o’clock habit, kun sain hinahanap asin inaadalan an mga lugar na puwedeng pamugaran kan lamok.
Pinaagi man sa misting asin spraying, tinatarget an mga lugar na posibleng may mga lamok asin stagnant water. An misting regular na isinasagawa sa mga zone 1 sagkod zone 6, asin inaaksyunan man an mga request kan mga residente na magpa-spray o magpa-misting.
Sinabi ni Bendiola na mahalaga man an regular na paglilinig kan mga drainage asin waterways, na puwedeng pagparamihan kan lamok na nagkakakalat kan dengue.
Hinikayat niya an mga residente na maglinig nin palibot araw-araw asin bako sana kun may outbreak, tanganing makatabang sa pagprevenir kan dengue asin iba pang sakit sa komunidad.
