Pinaapod ni House prosecution panel Atty. Lorna Kapunan, pribadong tagausig kan House prosecution panel, na sarong “scam” o ”panlilinlang sa taumbayan” an umano’ salang paggamit sa P612 milyon na confidential funds ni Vice President Sara Duterte.
Ginibo ni Kapunan an pahayag sa pagdangog sa Senado, mantang nagpapadagos an testimonya ni Former Commission on Audit (COA) auditor Roderick Wamil sa ika-12 aldaw nin impeachment trial.
Sakop kan pagdangog an P500 milyong confidential funds na tiglaan sa Office of the Vice President (OVP) asin ang P112.5 milyon na nakua kan Department of Education (DepEd) kan si Duterte ay sabay na nagsirbeng Kalihim kan Edukasyon.
Ipinarehas niya an suboot salang paggamit kan pondo sa sarong aki na naghagad ning kwarta sa magurang para magbakal nin libro alagad ginamit ini sa ibang bagay.
Segun kay Kapunan, kun pauro-uteo na ginagamit an pondo sa katuyuhang iba sa idineklara, maituturing ini nin panlilinlang.
Nagpalag man an depensa sa panginginot ni Atty Michael Poa, na dapat halion o i-strike out an pahayag na “scam” ni Kapunan na pinagbigyan man ni Presiding Officer Senator-Judge Francis Escudero.
Tinawan-duon ni Kapunan na an inot na problema ay bako an mga alyas o pangarang nakasaad sa acknowledgment receipts kundi kun tultul na naesplikar asin napatunayan kun saen ginamit an pondo.
Kinuwestiyon pa kaini an mga gastus na manungod sa bulong, mga suplay asin safe houses, asin sinabi na dapat may ebidensiyang nagpapatunay na talagang napaduman an pondo.
Sa saiyang testigo, sinabi ni Wamil na nabigong magsumite an OVP asin DepEd nin mga kinakaipuhan na dokumento bilang suporta sa pirang confidential fund disbursements para sa inot na duwang quarter kan 2023.
Tinukoy niya pa na an mga gastuson para sa medical asin food assistance, incentives asin travel-related expenses na dae kabali sa mga tinutugang paggamit kan confidential funds sa irarom kan Joint Circular No. 2015-01.
Segun pa ki Wamil, mayu man dokumentong nagpapatunay na an mga reward payment sa mga impormante ay nagresulta sa marhay na information-gathering o surveillance operation.
Sa paggamit nin mga alyas sa confidential asin intelligence fund transactions, sinabi ni Kapunan na mayung ley o patakaran na nagtutugot o nagbabawal igdi.
Mantang, iginiit niyang higit na importante an hapot kun tunay bang napaduman an pondo sa mga katuyuhang pinaglaanan kaini.
