Sinabi kan National Bureau of Investigation (NBI) Director Melvin Matibag kan Miyerkules na kumpleto na an suboot pagtraydor sa tiwala kan publiko kan hayagan na inako ni Bise Presidente Sara Duterte na nag-hire suboot siya nin assassin tanganing gadanon si Presidente Ferdinand Marcos Jr.
Sa ikasiyam na aldaw kan impeachment trial ni Duterte, sinabi ni Matibag na an mismong pagkumpisal sa publiko kan Bise Presidente sapat na tanganing ibilang na pagtraydor sa tiwala kan publiko. Dae man suboot kaipuhan na ipabisto kan NBI an pig-hire suboot para patunayan an isyu.
Ineksplikar ni Matibag na an importante iyo an pagkumpisal ni Duterte, na suboot nagseserbing ebidensya sa suboot pagbalga sa tiwala kan publiko. Dugang pa kaini na dae na kaipuhan pa nin dugang na imbestigasyon sa parteng ini kan kaso.
Susog sa hepe kan NBI, an pagplano na gadanon an presidente kontra sa sinumpaan na katungdan kan Bise Presidente. Nakalaag suboot sa oath of office an pag-implementar kan ley asin an pagtao nin hustisya sa gabos, na dae suboot susog sa nasambitan na pahayag.
Mientrastanto, hinagad kan defense camp na haleon sa opisyal na record an pahayag ni Matibag, alagad binasura ini ni Presiding Officer Francis Escudero asin tinugutan na magdanay sa record an saiyang testimonya.
Pigatawan-duon man kan House Prosecution Team na tinapos an saindang presentasyon nin mga ebidensya sa impeachment trial manungod sa soboot banta ni Bise Presidente Sara Duterte na gadanon si Presidente Ferdinand Marcos Jr., First Lady Liza Marcos, asin si dating House Speaker Martin Romualdez.
An alegasyon yaon sa ika-apat na artikulo kan impeachment kontra ki Duterte. Huring inapod kan prosekusyon si National Bureau of Investigation (NBI) Director Melvin Matibag sa witness stand bilang saindang ikatolo asin ultimong testigo.
Bago si Matibag, enot na pigpresentar kan piskalya si NBI Regional Director na si Jeremy Lotoc asin Senior Agent John Mark Calilung, na nagshare kan resulta kan imbestigasyon kan ahensya sa mga suboot huma sa buhay kan presidente asin iba pang personalidad.
Kabali sa mga bagay na pig-eksamin kan NBI iyo an pahayag ni Bise Presidente Duterte sa sarong online press conference kan Nobyembre 23, 2024, kun saen sinabi kaini na igwa siyang itinalaga enkaso mangyari an sarong insidente laban saiya.
Apwera kaini, pigsambit man kan trial an iba pang mga pahayag ni Duterte sa mga nakaaging press conference, kabali na an soboot pagsambit kaini na nag-iisip na putolon an payo kan presidente asinpaghukay kan bangkay kan dating Presidente Ferdinand Marcos Sr. tanganing iapon sa West Philippine Sea.
