NAGA CITY-Nagtutubod an Social Security System(SSS) na sa bagong saving schemes ninda magkakaigwa sinda nin kita na 7.2 percent kada taon.
Sa nasambitang programa mae-enganyo an mga miyembro na padakulaon an saindang retirement fund.
Pigsambit ni SSS president and CEO Rolando Macasaet na an nasambitang booster program ninda tangani na makaakit pa nin mas dakul na mga corporate manager asin executives, doctors, lawyers, overseas Filipino workers, expats, seafarers, asin young professionals na may dakulang pangangaipo sa saindang retirement funds.
Obheto kan nasambitang programa na mas dakul na mga miyembro an saindang maeenkaminar na mag-invest.
