NAGA CITY- Pinresentar kan limang mga estudyante hale sa Camarines Sur National High School sa Sangguniang Panlungsod ng Naga an saindang imbensyon na Solar Tracking Arduino Routed Kirigami (STARK.)
Saro an 5-man team kan Grade 12 students hale sa nasabing eskwelahan sa mga napiling magin representante kan Pilipinas para sa International Robotics Competition sa Pennsylvania sa Mayo 2018.
Sa paghampang kan mga estudyante sa Sangguniang Panlungsod, pigheras kan mga ini an saindang mga pinag-agihan siring man an proseso tangani na mabilog an saindang imbensyon na sarong panibagong bersyon nin solar panel.
Igwa suboot nin sensor an nasambitang ekipahe na nagagamit dawa kun mauran kun sain otomatikong nagpo-fold an panel kaini.
Pig-orgulyo man kan grupo na anas recycled materials an saindang ginamit sa pagbilog kan STARK model.
Napag-araman na nakua man kan 5-man team hale sa Camarines Sur National High School an Best Research Project for Robotics and Intelligent Machine Category asin Outstanding Research Project sa National Science and Technology Fair 2018 sa Robotics and Intelligent Machines Category.
Katakod kan nagunong awards, saro sinda sa malaban sa Pennsylvania bitbit an bandera kan Pilipinas.

RELATED ARTICLESMORE FROM AUTHOR