Nagpira liwat si Warriors star Stephen Curry sa sarong taon, $62.6 million na extension, tangani na magtinir ini sa Golden State hasta 2026-27 season.
Kinumpirmar man ini kan ahente ni Curry na si Jeff Austin an mga numero para sa two-time NBA Most Valuable Player. Si Curry, 36, an may duwang taon na natatada sa apat na taon, na igwa nin $215.4 million na deal na pinirmahan niya kan nakalihis na Agosto 2021.
Base sa “over-38 rule” sa collective bargaining agreement, ini an kwalipikado sana para sa sarong taong extension ngunyang offseason huli siya an magigin 38 habang buhay an kontrata hasta Marso 14, 2026.
Sarong 10-time All-Star, four-time NBA champion asin two-time scoring king, si Curry an nag-average nin 26.4 points, 5.1 assists asin 4.5 rebounds sa 74 na kawat sa ika-15 season sa Golden State kan taong 2023-24.
Si Curry an all-time leader kan NBA sa 3-point field goals (3,747) asin career leader kan franchise sa puntos (23,668), assists (6,119), steals (1,473) asin kawat na (956).
