Inanunsyar kan BigHit Music na si Suga, miyembro kan sikat na K-pop group na BTS, makukumpleto na an saiyang mandatory military service komo social work personnel sa papaabuton na Hunyo 21, 2025.
Sa sarong pahayag sa Weverse kan nakalihis na Hunyo 18, sinaysay kan BigHit na mayo munang nakatalaang espesyal na pagtiripon sa aldaw kan saiyang discharge tangani malikayan soboot an peligro para sa kasalbaduhan kan saiyang mga fans.
Nagpasalamat man an BigHit Music sa padagos na suporta kan mga ARMYs (BTS fans) asin pigsierto an dagos-dagos nindang suporta sa mga artist sa kumpanya.
Marurumdumang si Suga an huring miyembro kan BTS na maluwas gikan sa military service.
Mas hahaba nin kadikit an saiyang service kumparar sa active-duty soldiers, nin huli ta komo social service worker, ini an itinalaga duman kawsa kan mga kundisyong pangsalud.
Naenot nang na-discharge sinda RM, V, Jimin, asin Jungkook ngunyan na Hunyo 2025, mantang sinda Jin asin J-Hope an nakumpleto an saindang service military kan nakalihis na Hunyo asin Oktubre 2024.
