Igwa nin supisyenteng suplay nin orig sa Syudad nin Naga, alagad nagkakalaen an presyo kaini sa mga rehistradong saodan asin sa mga talipapa.
Sa intrevista kan Bombo Radyo Naga ki Anselmo Mano, Head kan Naga City Abbttoir, sinabi kaini na an presyo sa luwas kan saodan nagpupuon sa 210-230 pesos kada kilo, mantang mas halangkaw ini sa mga rehistradong saodan huli sa kumpletong papeles asin rehistrasyon.
Sa ibong kan supisyenteng suplay, sinabi ni Mano nagkakaproblema an mga lokal na parahoy sa hababang presyo kan farmgate mantang halangkaw an gastos sa produksyon.
Giit pa ni Mano, Pigpapaboran kan LGU Naga an lokal na produksyon nin orig imbes na mag-angkat tanganing suportahan an mga parahoy.
Tanganing masimbagan an mga problema, igwa nin panawagan sa gobyerno na pababain an presyo kan kakanon kan orig, magtao nin bakuna kontra ASF, asin magtao nin subsidyo sa mga parahoy.
Piglalaoman man an paglangkaw kan kinakatay na orig ngunyan na holiday season, orog na bago mag Pasko.
