NAGA CITY- Pinara ngonyan kan National Grid Corporation of the Philippines (NGCP) an paghandal kan publiko sa posibilidad kan pagkakaigwa nin mga power interruptions makalihis an nagtamang 6.3 magnitude na linog sa Batangas.
Sigon ki Nelson Bautista, Regional Communications Division Chief kan
NGCP-South Luzon, basado sa assessment asin monitoring mayo suboot nairehistrong danyos sa saindang linya kan kuryente sa Batangas siring man sa pagtaraid kaining mga probinsya makalihis an pagyugo yugo nin daga.
Nagtitinir man suboot an marhay na suplay kan kuryente sa nasambitang mga probinsya.
Katakod kaini, tinawan doon man ni Bautista na mayong dapat na ikahandal an publiko sa posibilidad nin mga power interruptions.
Magkakaigwa sana suboot nin power interruptions kun igwa nin generation deficiency o kakulangan sa suplay nin kuryente kan NGCP.
