Normal an supply kan tubig kan mga spring sources sa ngunyan huli ta halangkaw an water level kan mga pinagkukuanan kan Metro Naga Water District sa syudad nin Naga.
Sa entrevista kan Bombo Radyo Naga ki Choppy Dela Cruz an tagapagtaram kan Metro Naga Water District mayu na nahihiling na pagbagsak kan tubig o kakulangan nin tubig ngunyan na nagdadangadang an tag-init.
Ipig-esplikar man kaini na sa nakaaging taon huli sa mga naekspersyernsyahan na mga pag-uran asin bagyo nakatabang ini sa mga kinukuaan na kan tubig siring kan mga spring sources na para sa mga pumping stations. Apwera pa digdi kun ikukumpara soboot an init kan nakalihis na taong 2024 iyo an matinding init na namatean na nagkawsa nin kakulangan nin tubig.
Dugang pa kan opisyal na preparado an saindang ahensya ngunyan huli sa igwa naman nin nasa 7 pumping station na tinatapos asin sa 1st quarter ngunyan na taon an 3 an bubukasan, asin sa 2nd quarter bubuksan man an 3 pa asin saro sa last quarter gikan kan 2025 hasta sa presenteng taon nasa 10 na an natapos.
Mientrastanto, bako lang mga pumping stations an saindang pig-iiskusaran na matapos alagad pati na ang mga pipe line o tubo na pigdadaluyan kan tubig orog na so mga luma na an riribayan. Piglinaw kaini na an mga pagtrabaho kan mga riribayan na mga lumang water pipe line an magiigng parallel asin dae makaka-istorbo sa mga konsumedores.
Sigon pa ki Dela Cruz may naka-alokar naman na pighahalat na loan gikan sa Local Water Utility Administration nin nasa P130-M para gamiton sa mga pandugang na mga darakulang pipes.
May pig-request naman sa LUWA nin rate -increase asin pighahalat pa na maaprobahan alagad piglinaw kaini na dae boot sabihon na nagloan saka naghuhurot sa rate increase alagad ini saro sa follow-up sana kan saindang ahensya huli antes an loan an nakapag-request na kan rate increase asin bako lang an saing ahesya kan tubig an igwa nin siring na mga pighurot sa LUWA.
Sa ngunyan, hagad na sana kan opisyal na sietuhon na an mga naggagamit nin tubig an makanuod na maggamit nin tama asin dae pag-aksayahon orog na ngunyan na matag-init.
