Kinumpirma na sa assessment kan Manila Water Foundation asin Clark Development Authority (CDA) igwa nin supisyenteng supply nin tubig kan Metro Naga. Alagad, an mayor na problema napag-araman sa distribusyon kan tubig asin mga polisiya sa operasyon na nakakaapektar sa dalagan kan serbisyo sa mga harong.
Sa pakikipag-ulay sa media, si Naga City Mayor Leni Robredo nagsabi na pigrekomendar kan mga eksperto na punduhon na an pagsara kan mga kagamitan durante kan maintenance tanganing maibitaran an pagkawara kan pressure asin supply. Sarong test na ginibo sa Sabang, nagpatunay man na epektibo an padagos na operasyon kan mga makina asin an paggamit kan “injection method” sa pagbalik kan bulos kan tubig.
An mga prayoridad na lugar para sa paghirahay asin pag-upgrade iyo an Sabang, Abella, Santa Cruz, Concepcion Pequeña, Carolina, asin Panicuason. Pig-aatubang man kan mga awtoridad an haloy nang hinahalat na proyekto sa St.
Segun sa mga opisyales, piglalaoman na mapakarhay an serbisyo sa paagi kan tulos na paghirahay kan mga pasilidad, pagsalida kan mga lumang kagamitan, asin mas mahigot na pagbantay sa pilferage.
