NAGA CITY– Arestado an sarong persona sa tahaw kan kinundusir na entrapment Operation kan mga otoridad kasubanggi sa sarong hotel sa banwaan nin Daet, Camarines Norte.
Sa inisyal na imbestigasyon, nag-upload soboot an suspek na si Jethro Villagarcia, 27-anyos nin mga sexual photos asin videos sa social media kaibanan an dating kailusyon na sarong paratukdo.
Nagdemand pa soboot an suspek na hahaleon an nasambitan ng ladawan kung makikipagdurog giraray sa saiya an biktima sa laog kan sarong hotel.
Antes na magpasiring sa nasambitan ng hotel, nakipagkoordinar na sa mga otoridad an biktima na tulos man na nagbilog nin sarong operasyon.
Katakod kaini, nadakop an nasambitan ng suspetsado mantang narekober man digdi an sarong sachet kan pigtutubudang pinaalang na marijuana.
Sa ngunian, nasa kustodiya na kan mga otoridad an suspek para sa maninigong disposisyon.
