Nagpakol na sa duwang detainees an binawian nin buhay makalihis na pagbabadilon sa US Immigration and Customs Enforcement field Office sa Dallas,Texas.
Sigun sa Department of Homeland Security , na sarong detainee man an irido na pigdalagan sa ospital.
Binisto man an suspek na si Joshua Jahn na nadukayang mayo ng buhay sa katapat na establishyemento na pinagtutubudang nagpatiwakal.
Sa isinagibong imbestigasyon, pumuwesto an suspek sa katapat na establishyemento kan ICE building asin digde mayong habas na nambadil.
Pigkokonsiderar nindang sarong ‘Targeted violence’ an insidente huli ta nahiling kan mga otoridad an basyo kan bala na nakasurat an anti-ICE.
Pigsierto man ni Texas Governor Greg Abbott na dae sinda mauntok na mag-arestar nin mga iligal na migrants asin dae madadaog dawa na igwa nin insidente nin pambabadil.
