Mahigot na ngunyan an gobyerno kan Sweden sa pag-maysadiri kan mga badil. Isinagibo an anunsiyar pirang aldaw makalihis an madugong pangbabadil sa sarong eskwelahan na nagkawsa sa pagkagadan kan pitong babae asin man apat na lalaki.
An 35-anyos kaya na suspek na si Rickard Andersson an igwang apat na legal na rifles kun saen tulo digde an ginamit sa pangbabadil.
Sigun sa mga lehislador sa Sweden na masumiter sinda nin mga ley para mapakusog an paghihigot sa pagbabawal nin pagbakal nin mga armas orog na an mga makukusog na klase nin badil.
Hurot man ni Prime Minister Ulf Kristersson na sisiguraduhon kan saiyang gobyerno na an mga makakabakal nin badil iyo an mga nararapat sana.
Basado sa datus ninda na haros 600,000 na mga Swedes sa labi na 10.5 milyon na populasyon kan nasyon an maysadiri nin mga badil.
Marurumdumang pigkonsiderar kan gobyerno na an nangyaring pangbabadil kan nakalihis na aldaw an maikokonsiderar kan gobyerno na pinaka-matinding pangyayari sa historya nin Sweden.
