Pigkumpirmar kan Philippine Air Force (PAF) na piglalaomang maabot na sa nasyon an suporta na pigpreparar kam Estados Unidos tanganing makatabang sa relief response asin humanitarian assistance kan Armed Forces of the Philippines (AFP) sa mga lubhang naapektaran kan panlalamasa ni Bagyong Dante asin Bagyong Emong.
Sigun ki PAF Deputy Spokesperson Maj. Joseph Calma, presenteng nasa Japan na an KC-135 aircraft kan Estados Unidos na igwang bitbit na Humanitarian Assistance and Disaster Response (HADR) Equipment.
Paliwanag ni Calma, naghahalat na sana ini kan hudyat para sa departure tanganing tulos na makalupad asin makalapag sa Clark Airbase sa Pampanga an nasambitan ng equipment.
Alagad maski piglalaoman na an mga nasambitan ng kagamitan an mayo pa man eksaktong aldaw asin oras kun nuarin pwedeng maglapag sa nasyon an paenot na tabang kan US.
Dae man muna pigkumpirmar sa ngunyan kun mahaloy an nasambitan ng aircraft sa nasyon komo dugang na tabang sa paghahatod nin mga relief goods sa mga nasalanta kan bagyo alagad hurot kan PAF na bukas sinda sa mga siring na posibilidad.
Kasunod man kaini, pigkumpirmar man ni Calma na igwa sindang labi 40 assets na nakastandby para sa mga pwedeng ikasar na operasyon asin kun kakaipuhanom nin mga dugang na assistance sa mga relief operations.
Sarong sokol helicopter an nakastandby sa Clark Airbase sa Pampanga, pirang mga s70i black hawks na man an nakastandby alert sa presente na nasa iba pa nindsng military facilities.
An mga kagamitan na ini an pwedeng magamit para sa mga immediate evacuation operations asin iba pang mga humanitarian assistance na kakaipuhanon kan publiko.
Mientrastanto, an utilization man kan nasambitan ng assets asin equipments an nakadepende pa man sa kun ano an magigin requirement kan National Disaster Risk Reduction and Management Councils (NDRRMC) sa pangengenot kan Offive of the Civil Defense.
Apwera man sa mga humanitarian assistance asin evacuation operations, pwede man soboot magamit an saindang mga aircraft sa mga rapid damage assessment and needs analysis.
