NAGA CITY – Pinalawig pa kan Ministry of Foreign Affairs (MoFA) kan Taiwan an visa-free entry program kaini para sa mga Pilipino. An nasambitan ng programa an nakatalaan kutang mapaso sa August 1, 2024.
Siringman, sa iniluwas na statement kan Bureau of Consular Affairs, nakalaog digdi na papalawigon pa ini nin hasta July 31, 2025.
Sa irarom kan programa, an mga Pilipino an pupwedeng makapag-apply para sa visa exemption program hasta dae malagpas sa 14 days an saindang pagtitinir sa Taiwan.
Kaipohan sana kan mga Pinoy travellers na magpahiling kan saindang booking para sa accommodation, contact information kan masirbing host o sponsor, asin bastante na pondo o allowance.
Dae man kabali digdi an mga Pilipinong may diplomatic o service passports, magin an mga crew kan mga barko o behikulong panghimpapawid na planong mag-report sa saindang duty mantang nasa Taiwan. Sa presente, igwa nin poco mas o menus 200,000 na mga Pinoy an nakaistar asin nagtatrabaho sa Taiwan.
Mientrastanto, apwera sa Pilipinas an bukas man an visa-free entry para sa mga namamanwaan kan Thailand asin Brunei.
