Nagpahayag nin suporta an Taiwan ki Presidente Ferdinand Marcos Jr. makalihis an saiyang pahayag mapadapit sa posibleng pakikiaram kan Pilipinas enkaso magsiklab an Taiwan invasion na ikinaanggot kan China.
Sa sarong statement sa X, ipigheras kan Ministry of Foreign Affairs (MOFA) kan Taiwan an entrevista ki Presidente Marcos kun saen sinaysay soboot kaini an malinaw na katotoohan na an nangyari sa Taiwan Strait an igwang epekto sa gabos.
Pinasalamatan man kan Taiwan si Pres. Marcos sa pagbisto sa peligro sa seguridad asin sa pagtindog kaibahan an Taiwan para sa katoninongan sa Indo-Pacific Region.
Enot digde, sa nagin entrevista ki Presidente Marcos sa India, sinaysay kaini na dae pwedeng magtinir na mayong pakiaram an Pilipinas kun magkaigwa nin kariribokan sa pag-ultanan kan China asin Taiwan, huli man ta kadakol na mga Pilipino an nagtatrabaho duman.
Sinaysay man kaining kaipuhan protehiran an overseas Filipino workers (OFWs) asin bukas ini sa posibilidad na tugitan an Estados Unidos na gamiton an resources asin base-militar kan Pilipinas kun magkaigwa nin kariribokan.
