Padagos an paghiro kan Bagyong “Julian” Sur-sulnupan sa Philippine Sea.
Huring nahiling an sentro kan bagyo sa distansyang 400 kilometros East Southeast kan Basco, Batanes o 435 kilometros East kan Calayan, Cagayan.
Taglay kaini an kusog nin duros na mapakol sa 55 kilometers per hour asin pagbugsong nin hasta 70 kilometers per hour tarani sa centro.
Naghiriro an bagyo sa rekas na 20km/h.
Nakabandera man an Tropical Cyclone Wind Signal (TCWS) No. 1 sa masunod na lugar:
Cagayan kabali na an Babuyan Islands; Northeastern portion kan Isabela (San Pablo, Divilacan, Maconacon, Palanan, Cabagan, Santa Maria, Tumauini, Ilagan City, San Mariano); Eastern portion kan Apayao (Luna, Pudtol, Santa Marcela, Flora)
Basado sa forecast kan PAGASA, an Bagyong Julian mahiro sa kadagatang sirangan kan Batanes asin Cagayan sa masunod na limang aldaw.
Posible ining maglandfall sa Batanes sa Lunes nin hapon o banggi komo typhoon.
Halangkaw an tiyansa na ini mabalyo pa sa sulnopan pasiring sa extreme Northern Luzon.
