NAGA CITY – Nagtutubod si Dean Kenjie Jiminea kan College of Arts and Sciences kan University of Nueva Caceres (UNC) na posibleng mag-lie low na sa mga masunod na aldaw an tensyon na nangyayari sa Hongkong.
Ini enkoneksyon sa extradition bill na mawot ipautob sa nasambitan ng lugar na mahigot ngunian na pigkokontra kan kadakol na mga namamanwaan kan Hongkong.
Sa entrevista kan Bombo Radyo Naga ki Jiminea, sinaysay kaini na huli sa international pressure na gikan sa haralangkaw na lider kan mga nasyon arug kan Estados Unidos asin United Kingdom na pigsasabayan pa kan matinding hiro protesta, posibleng magkambyo muna an gobyerno kan HongKong sa pagtukar kan isyu.
Nakapalaman sa nasambitan ng bill na siisay man na makakakomitir nin kasalanan sa laog kan teritoryo kan HongKong an otomatikong ipapadara sa mainland China para duman gibuhon an pagdangog.
An nasambitan ng bill an bako sana para sa mga residente kan lugar alagad magin sa mga turistang malaog sa lugar.
